Погба яна "Ювентус"га қайтишга тайёр, агар...

"Манчестер Юнайтед" клуби ярим ҳимоячиси Поль Погба яна "Ювентус"га қайтиши мумкин. Бу ҳақда Calciomercato нашри хабар бермоқда.

Юқоридаги манбаага кўра 25 ёшли франциялик футболчи туринликларнинг ёзги трансферлар давридаги асосий нишонига айланган. Агар МЮ Чемпионлар лигаси йўлланмасини қўлга кирита олмаса, Погбанинг ўзи ҳам жамоадан кетишга тайёр.

Эслатиб ўтамиз, Погба “Манчестер Юнайтед” сафига 2016 йил айнан “Ювентус” сафидан келиб қўшилган эди. Унинг манкуанликлар билан амалдаги шартномаси 2021 йилга қадар имзоланган.