"Qayrat" Arshavinning jamoadan ketishini e’lon qildi

Qozog‘istonning “Qayrat” klubi o‘zining rasmiy saytida rossiyalik yarim himoyachi Andrey Arshavinning jamoadan ketishi haqida e’lon qildi.

Unga ko‘ra 11 noyabr kuni bo‘lib o‘tadigan chempionatning 33-turidan o‘rin olgan “Shaxtyor”ga qarshi bahs 37 yoshli futbolchi  uchun olmotaliklar safidagi so‘nggi uchrashuv bo‘ladi.

Ma’lumot uchun, Arshavin “Qayrat” safiga 2016 yil kelib qo‘shilgan edi. O‘tgan davr mobaynida u jami 100dan ortiq uchrashuvda ishtirok etdi va bu o‘yinlarda o‘z hisobiga 30ta gol hamda 37ta golli uzatma yozdirib qo‘yishga erishdi.

Eslatib o‘tamiz, bundan avvalroq Arshavin “Navbahor”ga kelishi haqida xabarlar tarqalgan edi.