Қирғизистоннинг тарихий голи, биттадан ортиқ гол ура олмаётган Хитой ва бошқа қизиқарли фактлар

Хабарингиз бор бугун Осиё кубоги “С” гуруҳи биринчи турида Хитой ва Қирғизистон терма жамоалари ўзаро баҳс юритишди. Қизиқарли кечган ўйин 2:1 ҳисобида Чин юрти вакилларининг иродали ғалабаси билан якунланди.

Қуйида ушбу жамоаларнинг Осиё кубокларидаги қизиқарли фактлари билан таништириб ўтамиз:

- Хитой терма жамоаси сўнгги 4 та Осиё кубогининг гуруҳ босқич ўйинларида фақат 1 та тўп фарқи билан ғалаба қозонган;

- Хитойликлар сўнгги 4та Осиё кубогида гуруҳ босқич баҳсларини ғалаба билан бошлаган. Сўнгги бор улар 1996-йилги Осиё кубогини мағлубият билан бошлаган. Ўшанда улар Ўзбекистон терма жамоасига мағлуб бўлишан;

- Аҳлиддин Исроиловнинг бугунги учрашувдаги голи Қирғизистон терма жамоасининг Осиё кубоклари баҳсларидаги илк голи бўлди;

- Эътиборлиси, Қирғизистон терма жамоаси Осиё кубоги тарихида дарвоза томон йўллаган илк зарбасини голга айлантира олган биринчи терма жамоа бўлди;

- Ю Дабаонинг Қирғизистон терма жамоасига урган голи футболчининг 6 ўйиндан иборат голсиз сериясига барҳам берди. Сўнгги бор у 2017 йил декабрь ойида Япония дарвозасини ишғол қилган эди.