"Қизилқум" устози: Антифутбол кўрсатиб ғалаба қозонишни истамаган бўлар эдим

"Биз чиройли ўйин кўрсатиб, ғалабага эришишни истагандик. Йигитлар қўлларидан келганича ҳаракат қилишди. Ўйин бўйича уларга эътирозим йўқ. 90 дақиқа ҳужум қилиб, битта қарши ҳужумдан гол ўтказиб юбордик. Иккита ҳужумчимиз ҳам сўнгги нуқтани қўйишга оқсашди. Жудаям аламли мағлубият бўлди

Балки ўйинлар ораси яқин бўлгани учун тикланиш жараёни қийин кечгандир. Рақиб эса охирги дақиқаларда антифутбол намойиш этди. Бунақа ўйин билан ғолиб чиқишни, шахсан мен истамасдим", - деб айтиб ўтди Актамов.