"Қўқон-1912" футболчиларига кичик таътил берилди

Суперлига 27-тури доирасида Фарғонанинг “Нефтчи” клубига қарши кечган учрашувдан сўнг, "Қўқон-1912" жамоаси футболчиларига уч кунлик дам берилди. Бу ҳақда клуб матбуот хизмати хабар бермоқда. 

Қўқонликлар 28-турни сафарда “Насаф” клубига қарши ўтказишади. Мазкур ўйинга тайёргарлик 28 октябрь куни бошланади.

Эслатиб ўтамиз, Pepsi Суперлига 28-тури доирасидаги “Насаф” – “Қўқон-1912” учрашуви 1 ноябрь куни ўтказилади.