"Қўқон-1912" клуби 3 та легионер билан шартнома имзолашга яқин

Янги мавсумга тайёргарликнинг сўнгги босқичини Тошкент шаҳрида олиб бораётган "Қўқон-1912" футболчилари айни кунларда машғулотларга зўр беришган.

Нўъмон Ҳасанов шогирдлари кунига икки маҳалдан машғулотларни олиб боришмоқда. Таркибда кўрикда бўлиб турган сербиялик дарвозабон Боян Кнежевич, ҳимоячилар Милош Николич ҳамда Марко Миличнинг жамоада қолишлари маълум бўлди. Бу футболчилар Тошкент шаҳрида тиббий кўрикдан ўтказилди. Энди эса шартномаларга имзо чекиш қолди холос. Бу ҳақда клуб матбуот хизмати хабар берди.

"Қўқон-1912" футболчилари 21 февраль куни Қаршининг "Насаф" жамоаси билан ўртоқлик учрашуви ўтказадилар. 22 февраль куни эса футболчилар жисмоний тест синовларинини топширишади.