“РБ Лейпциг” бош мураббийи: “Бавария” Вернерни сотиб олишга жиддий киришса, уни сақлаб қолишимиз жуда қийин бўлиб қолиши мумкин
“РБ Лейпциг” клуби бош мураббийи Ральф Рангник ҳужумчи Тимо Вернернинг “Бавария”га ўтиши ҳақида тарқалган хабарларга ўз муносабатини билдириб ўтди.
“Агар “Бавария” Вернерни сотиб олишга жиддий киришса, биз учун уни сақлаб қолиш жуда қийин бўлиб қолиши мумкин. Лекин, мюнхенликлар асосан 1та ҳужумчи билан ўйнашади. Шу боис Вернер жамоамизда яна 2-3 йил қолади деб ҳисоблайман”, - дейди Рангник.
Эслатиб ўтамиз, 22 ёшли германиялик футболчининг “РБ Лейпциг” билан амалдаги шартномаси 2020 йилга қадар имзоланган. Шу боис, агар Вернер ушбу келишувни узайтирмаса, клуб уни текинга қўйиб юбормаслик учун сотиб юбориши мумкин.
Фикрлар