Рафинья: “Раҳмат, допинг”

Хабарингиз бор кеча УЕФА Чемпионлар лигаси нимчорак финал жавоб ўйинида ҳақиқий сенсация содир бўлди.

Парижда ПСЖдан 0:4 ҳисобида енгилган "Барселона" ўз майдонида рақиб дарвозасига олтита гол уришга муваффақ бўлди. Якуний ҳисоб 6:1 бўлди ва каталонияликлар сенсацион тарзда чорак финалга йўл олишди.

Ўйиндан сўнг "Барселона" ярим ҳимоячиси Рафинья Алькантара кийиниш хонасида жамоадоши Марк-Андре тер Штеген билан энергия берувчи ичимлик ичаётган ҳолатидаги суратини ўз "Инстаграм"ига жойлаштириб, "раҳмат, допинг" дея изоҳ қолдирди.