Расман! АПЛда истеъфо юз берди

Англиянинг "Саутгемптон" клуби ўзининг расмий сайтида жамоа бош мураббийи Марк Хьюзни истеъфога чиқарилгани ҳақида эълон қилди.

Унга кўра АПЛ жамоаси қайд этилаётган қониқарсиз натижалар сабаб 55 ёшли мутахассисни ўз лавозимидан озод этган. Энди Хбюзнинг ўрнига жамоани Келвин Дэвис бошқариб туради. У 5 декабрь куни АПЛнинг 15-тури доирасида “Тоттенхэм”га қарши бўлиб ўтадиган ўйинга жамоани тайёрлайди.

Эслатиб ўтамиз, бундан аввалроқ ушбу лавозимга Брендан Рожерс ва Леонарду Жардимларнинг номзодлари кўриб чиқилаётгани ҳақида хабарлар тарқалган эди.

Маълумот учун, "Саутгемптон" айни дамда премьер-лиганинг ортда қолган 14та тури якунларига кўра 9 очко билан 18-поғонасини эгаллаб турибди.