Расман! Жон Терри футболчилик фаолиятини якунлади
Ads

Англия терма жамоаси ва "Челси" клуби собиқ сардори Жон Терри футболчилик фаолиятини якунлаганлиги ҳақида расман эълон қилди.

Маълумот учун, 37 ёшли ҳимоячи 22 йил давомида "аристократлар" сафида тўп тепган ва ўтган мавсум "Астон Вилла"га кўчиб ўтганди. "Челси" таркибида Терри 5 маротаба АПЛда чемпион бўлган, 4 марта Англия Кубогини қўлга киритган, 3 марта Суперкубог ва бир маротаба ЕЧЛ ҳамда Европа лигасида ғалаба қозонган.

- 23 йил давомида ажойиб футбол намоиш қилдим, бугун ўйинчи сифатида фаолиятимни якунлашга қарор қилдим, - деб ёзди Жон ўзининг Инстаграмдаги саҳифасида.

Эслатиб ўтамиз, Жон ёзда Москванинг “Спартак” клубига ўтишга жуда яқин келган эди. Бироқ, сўнгги дамда у ўз фикридан қайтган эди.