Расман! Сампаоли Аргентина терма жамоаси бош мураббийлигидан кетди

Аргентина терма жамоаси бош мураббийи Хорхе Сампаоли расман ўз лавозимини тарк этди.

Аргентина футбол ассоциацияси тарқатган хабарга кўра Сампаолига қўшиб унинг мураббийлар штаби ҳам истеъфога чиқарилган.

Эслатиб ўтамиз, Аргентина терма жамоаси ЖЧ-2018нинг 1/8 финалида бўлажак чемпион Францияга имкониятни бой бериб мусобақа билан муддатидан аввал хайрлашган эди.

Энди Аргентина футбол ассоциацияси ўртадаги шартномани муддатидан аввал бекор қилаётгани боис, Сампаолига 2 млн АҚШ доллари миқдорида товон пули тўлайди.