Расман! Шакири - "Ливерпуль" футболчиси

"Ливерпуль" клуби ўзининг расмий сайти орқали "Сток Сити" ярим ҳимоячиси Жердан Шакири билан шартнома имзолаганини эълон қилди.

Унга кўра 26 ёшли футболчининг трансфери мерсисайдликларга 15,3 млн еврога тушган. Бироқ, шартноманинг муддати ва бошқа жиҳатлари ҳали ошкор этилмаяпти.

Маълумот учун, Шакири “Сток Сити” сафида 2015 йилдан буён тўп суриб келаётган эди. У ушбу давр мобайнида жами 92та ўйинда иштирок этиб, ўз ҳисобига 15та гол ёздириб қўйишга эришган.