“Реал” 2011 йилдан буён еврокубоклар доирасида ўз уйидаги баҳсларда гол урмоқда

Мадриднинг “Реал” клуби ЕЧЛ ярим финали жавоб баҳсида “Бавария”ни қабул қилмоқда. Учрашувнинг 11-дақиқасида Карим Бензема гол киритиб, ҳисобни тенглаштиришга эришди.

Шу тариқа, мадридликлар еврокубоклар доирасида ўз уйида ўтган сўнгги 42-ўйиннинг барчасида гол  киритишга эришди. Бундай натижани 1961-1984 йиллар оралиғида “Тоттенхэм” ҳам амалгам оширган эди.

Қизиғи, ўшанда “шпорлар”нинг ушбу сериясига айнан “Реал” якун ясаган эди.

Сўнгги бор “Реал” 2011 йилнинг 27 апрелида ЕЧЛ ярим финалида “Барселона” (0:2) билан кечган ўз уйидаги баҳсда гол кирита олмаган эди.