"Реал" ПСЖ трансферга қўйган аргентиналик футболчига қизиқиб қолди

Мадриднинг "Реал" клуби ПСЖ ярим ҳимоячиси Жованни Ло Чельсога қизиқиш билдира бошлади. Бу ҳақда Football Espana нашри хабар тарқатмоқда.

Унга кўра “қироллик клуби” парижликлар томонидан трансферга қўйилган 22 ёшли аргентиналик футболчига жамоанинг ўрта чизиғини кучайтира оладиган футболчилардан бири сифатида қарамоқда.

Маълумот учун, Ло Чельсо ўтган мавсум ПСЖ сафида жами 48та ўйинда майдонга тушган ва ўз ҳисобига 6та гол ҳамда 7та голли узатма ёздириб қўйишга эришган.

Эслатиб ўтамиз, парижликлар ушбу футболчига 40 миллион евро нарх қўйишган.