"Реал" Почеттино учун "Тоттенхэм"га 45 млн евро таклиф қилмоқчи
Мадриднинг "Реал" клуби энди "Тоттенхэм" бош мураббийи Маурисио Почеттино вариантини ҳам ўрганиб чиқмоқда. Бу ҳақда The Sun нашри хабар тарқатди.
Юқоридаги манбаага кўра “қироллик клуби” аргентиналик мутахассиснинг шартнома ҳуқуқини сотиб олиш учун “шпорлар”га 45 млн евро таклиф қилишмоқчи. Мадридликлар раҳбарияти Лопетеги ўрнига айнан Почеттинони идеал номзод сифатида қарамоқда.
Берилган маълумотларга қараганда “Реал” катта эҳтимол билан эртага бўлиб ўтадиган Эль Класикодан сўнг ўз мураббийини истеъфога чиқаради.
Маълумот учун, 46 ёшли Почеттино “Тоттенхэм”ни 2014 йилдан буён бошқариб келмоқда, бироқ у ҳозирча ушбу жамоа билан бирорта ҳам соврин ютгани йўқ.
Фикрлар