"Real" Pochettinoni dunyoning eng ko‘p maosh oluvchi murabbiylaridan biriga aylantirmoqchi

Madridning "Real" klubi "Tottenxem" bosh murabbiyi Maurisio Pochettinoni dunyoning eng ko‘p maosh oluvchi murabbiylaridan biriga aylantirishga tayyor.

The Sun nashri tarqatgan xabarga ko‘ra “qirollik klubi” 46 yoshli argentinalik mutaxassisga yiliga 20 mln evro maosh taklif qilmoqda. Ta’kidlash kerakki, bu Pochettinoning ayni damda “shporlar” safida olayotgan (9,5 mln evro) maoshidan deyarli 2 barobar ko‘p daganidir.

Eslatib o‘tamiz, Pochettino "Tottenxem"ni 2014 yildan buyon boshqarib kelmoqda. Biroq, o‘tgan davr mobaynida londonliklar bilan birorta ham musobaqada g‘olib chiqa olmadi.