"Реал" Салаҳ ва Кейнни сотиб олмоқчи бўлган

Мадриднинг "Реал" клуби ёзги трансферлар мавсумида икки нафар маҳоратли футболчи билан шартнома имзолашмоқчи бўлган.

Шу мақсадда Мадрид клуби "Тоттенхэм" ҳужумчиси Гарри Кейн ва "Ливерпуль" етакчиси Муҳаммад Салаҳни таркибга қўшиб олишга уриниб кўрди, дея хабар беради El Pais нашри.

Бироқ ҳар икки трансфер ҳам якунда амалга ошмади. "Тоттенхэм" Кейнни сотишдан бош тортган бўлса, Салаҳ мерсисайдликлар билан шартнома узайтиришга қарор қилди.

"Реал" эса ҳамон "Ювентус"га йўл олган Криштиану Роналдуга ўринбосар қидиришда давом этмоқда.