“Реал” бу ёз ҳам қимматбаҳо трансферлардан воз кечиши мумкин

Мадриднинг “Реал” клуби жорий ёзги трансферлар даврида қимматбаҳо харидларни амалга оширмаслиги мумкин.

Хабарларга қараганда “қироллик клуби” айни дамдаги трансфер бозорида футболчиларнинг нархи 200 миллион еврога қадар кўтарилишини ушбу бозорда белгиланган тенденцияларга номақбул деб ҳисобламоқда.

Таъкидлаш керакки “Реал” ҳозиргача ўзи кўзлаган бирорта супертрансферни амалга ошира олмади. Неймар, Харри Кейн, Эден Азар ва Роберт Левандовски каби футболчилар шулар жумласидандир.

Эслатиб ўтамиз, бундан аввалроқ “Реал” жорий ёзги трансферларга 500 млн евро сарфлашни режалаштиргани ҳақида хабарлар тарқалган эди.

Маълумот учун, “Реал” ўтган ёз ҳам бирорта қимматбаҳо трансферни амалга оширмаган эди.