"Реал" етакчилари Моуриньонинг жамоага қайтишига қарши чиқишмоқда

Мадриднинг “Реал” клуби етакчилари Жозе Моуриньонинг жамоага қайтишига қарши чиқишмоқда.

El Confidencial нашри тарқатган хабарга кўра “қироллик клуби” ҳимоячилари Серхио Рамос ва Марсело португалиялик мутахассисни "Сантьяго Бернабеу"да кўришни исташмаяпти ва улар ўзларининг бу борадаги фикрини жамоа президенти Флорентино Пересга ҳам айтишган.

Эслатиб ўтамиз, бундан аввалроқ айнан Перес Лопетегининг ўрнига Моуриньони олиб келиш истагида эканлигини маълум қилган эди.

Маълумот учун, Моуриньо “Реал”ни 2010-2013 йилларда бошқарган ва жамоа билан Испания чемпионати, Кубоги ва Суперкубогида зафар қучган.