"Реал" футболчилари Контенинг жамоага келишини исташмаяпти

Мадриднинг “Реал” клуби футболчилари жамоа италиялик мутахассис Антонио Контенинг келиши мумкинлигидан норози бўла бошлашди.

Il Corriere dello Sport нашри тарқатган хабарга кўра 49 ёшли мутахассиснинг “Челси”даги фаолиятидан яхши хабардор бўлган “қироллик клуби” футболчилари унинг жамоага келишини исташмаяпти. Айтиш лозимки, ўз вақтида “аристократлар”нинг аксарият футболчилари Контенинг машғулот ўтказиш жараёнидан шикоят қилишарди.

Эслатиб ўтамиз, бундан аввалроқ Конте “Реал” раҳбариятидан бўлган таклифга ўз розилигини билдирган эди.