Рейна "Челси"га ўтмаслигини маълум қилди

Яқиндагина "Наполи" билан шартномаси тугаб "Милан"га кўчиб ўтган дарвозабон Пепе Рейна ўзининг "Челси"га ўтиши мумкинлиги ҳақидаги хабарларни инкор этди.

“Фаолиятим давомида менга буюк жамоаларда ўйнаш насиб этди ва “Милан” уларнинг бири. Мен “Милан”га келганимдан ва жамоа либосини кийганимдан фахрланаман.

“Челси”га келадиган бўлсак, бунинг учун аввал “Милан” сафида камида 150та ўйинда майдонга тушишим лозим. Ана ундан сўнг бу ҳақда ўйлаб кўришим мумкин”, - дейди испаниялик посбон.

Маълумот учун, 35 ёшли Рейна фаолияти давомида "Барселона", "Вильярреал", "Ливерпуль" ҳамда "Бавария" каби клублар шарафини ҳимоя қилган.