Ригада стол тенниси бўйича бўлиб ўтган Халқаро турнирда вакилларимиз умумжамоа ҳисобида 1-ўринни эгаллади (фото)

Рига (Латвия) шаҳрида Европа ва Осиёнинг энг кучли ўсмир спортчилари ўртасида стол тенниси бўйича Халқаро турнир бўлиб ўтди.

Унда мамлакатимиздан 11 нафар спортчи ва 2 нафар мураббий иштирок этди.

160 нафардан ортиқ ракетка усталари қатнашган нуфузли турнирда вакилларимиз Белоруссия, Америка,Литва каби давлат вакилларини ортда қолдириб, умумжамоа ҳисобида 1- ўринни қўлга киритди.

Спортчимиз Ислом Султонов 1-ўринни эгаллаб, ғолиблик нашидасини сурди.

Ҳамюртларимиздан Марҳабо Магдиева, Согдиана Мадалиева ,Румия Лутфулина, Муҳритдин Раджабов, Абдулазиз Анорбаевлар бронза медали билан чекланишди.

P.S. 19-27 февраль кунлари эса 8 нафар иштирокчидан иборат жамоа Швециянинг Оребро шаҳрида бўлиб ўтадиган Халкаро турнирда иштирок этади. Ушбу турнирлар спортчиларимиз учун апрель ойида Хитойда бўлиб ўтадиган Осиё чемпионатига тайёргарлик босқичини ўтайди.

 

 

Фикрлар

Фикр қолдириш учун авторизациядан ўтинг!