"Roma" Manolasni tarkibda saqlab qolish uchun maoshini oshirmoqchi

Xabaringiz bor bundan avvalroq “Manchester Yunayted” klubi “Roma” himoyachisi Kostas Manolasni sotib olmoqchiligi haqida xabarlar tarqalgan edi.

Football Italia tarqatgan xabarga ko‘ra “bo‘rilar” asosiy himoyachilaridan birini tarkibda saqlab qolish uchun uning maoshini 3 mln evrodan 5 mln evroga oshirishmoqchi.

Eslatib o‘tamiz, MYu Gretsiya terma jamoasi a’zosini shartnomasida ko‘rsatilgan 36 mln evro tovon pulini to‘lagan holda sotib olishga tayyor. Uning o‘ziga esa yiliga 6 mln evro maosh va’da qilmoqda.

Manolasga shuningdek «Yuventus», «Inter» va «Arsenal» klublaridan ham qiziqishlar mavjud.

Ma’lumot uchun, 27 yoshli futbolchi joriy mavsum A Seriyada jami 16ta o‘yinda ishtirok etdi va o‘z hisobiga 1ta gol hamda 1ta golli uzatma yozdirib qo‘yishga erishdi.