"Рома" барибир Малкомни қўлга киритмоқчи

Римнинг "Рома" клуби ҳам "Барселона" вингери Малком учун курашга қўшилди. Бу ҳақда The Sun нашри хабар тарқатмоқда.

Юқоридаги манбаага кўра “бўрилар” аллақачон 21 ёшли бразилиялик футболчининг трансфери борасида ишларни бошлаб юборишган. Эслатиб ўтиш лозимки, Малком ўтган ёздаёқ “Рома” футболчисига айланиши мумкин эди. Аммо, у якунда “Барселона”ни танлаган эди.

Таъкидлаш керакки, Малком учун шунингдек "Тоттенхэм", "Эвертон", "Лацио" ва "Гуанчжоу Эвергранд" каби жамоалар ҳам кураш олиб боришмоқда.

Маълумот учун, “Барселона”га 2018 йилнинг ёзида “Бордо”дан кўчиб ўтган Малком жорий мавсум 10та ўйинда майдонга тушди ва ўз ҳисобига 2та гол ёздириб қўйишга эришди. Унинг трансфери эса 40 млн еврога баҳоланмоқда.