"Roma"ning asosiy himoyachisi muhim o‘yinlarda jamoasiga yordam berolmaydi

Rimning "Roma" klubi himoyachisi Kostas Manolas kecha A Seriyaning "Frozinone"ga (3:2) qarshi bahsida jiddiy jarohat oldi.

27 yoshli gretsiyalik futbolchi tovonidan jarohat oldi va shu bois xatto maydonni shifokorlar yordamida tark etdi. Ma’lumotlarga qaraganda u “Latsio”ga qarshi Rim derbisini hamda “Portu”ga qarshi EChL 1/8 final javob o‘yinini o‘tkazib yuboradi.

Eslatib o‘tamiz, Manolas joriy mavsum “Roma” safida jami 28ta o‘yinda maydonga tushdi va o‘z hisobiga 2ta gol hamda 1ta golli uzatma yozdirib qo‘yishga erishdi.