Роналдо: Неймарнинг "Реал"га ўтиши мумкин эмас

“Барселона” ва “Реал” клубларининг собиқ ҳужумчиси Роналдо Мадрид жамоасининг ПСЖ ҳужумчи Неймар билан шартнома имзолашига шубҳа қилмоқда. Неймар “Барселона”дан француз клуби 222 миллион евро эвазига ўтган эди.

Бразилия терма жамоаси сафида икки карра жаҳон чемпиони бўлган Роналдонинг сўзларига кўра, ҳамюрти парижликлар сафида яхши ўйин намойиш этмоқда.

– Мен кўп марта Неймарнинг “Реал” ўтиши ҳақида эшитдим, аммо бу жуда қийин масала, – дея Роналдонинг сўзларини келтиради Cadena SER нашри. – ПСЖ унинг учун жуда кўп пул тўлаган. Ўйлайманки, “Реал” шунчаки, Неймар билан шартнома имзолай олмайди.

– Менимча, ҳозирда бу мумкин эмас. Бир неча йилдан кейин бўлиши мумкин. Албатта, у ёш бўлса. У Парижда яхши ўйнамоқда. У ўзгаришни истаган эди ва нима бўлиши билади.

2017/18 мавсум Неймар ПСЖ сафида 30 ўйинда майдонга тушиб, 29 гол ва 3 голли узатмага муаллифлик қилган. 25 февралда “Марсел”га (3:0) қарши ўйинда жароҳат олган ва 3 март куни операция қилинди. Айни дамда 26 ёшли ҳужумчи Бразилияда даволанмоқда. У Франция май ойида қайтиши кутилмоқда.