Роналду: "Парма" хато қилишимизни кутди

Туриннинг "Ювентус" клуби форварди Криштиану Роналду кеча А Сериянинг 22-тури доирасида "Парма"га (3:3) қарши бўлиб ўтган ўйиндан сўнг ўз фикрларини билдириб ўтди.

“Бу футбол. Киритган голларимдан хурсандман, аммо натижадан кўнглим тўлмади. “Парма” бизнинг хато қилишимизни кутди.

Ҳозир ҳамма “Юве”ни кузатмоқда. Чунки, бу энг зўр клуб ва ҳамма бизни ўрганиб, мағлуб этишни хоҳлайди. Энг муҳими безовта бўлиш керак эмас”, - дейди португалиялик футболчи.

Маълумот учун, Массимилиано Аллегри шогирдлари айни дамда 60 очко билан мусобақа жадвалида якка пешқадамлик қилишмоқда.