Хабарингиз бор Туриннинг "Ювентус" клуби форварди Криштиану Роналду кеча "Милан"га қарши бўлиб ўтган Италия Суперкубогида ғалаба голига муаллифлик қилди.

Аниқроғи, 33 ёшли португалиялик футболчи учрашувнинг 61-дақиқасида жамоадоши Миралем Пьяничнинг узатмасидан сўнг рақиб дарвозасини ишғол қилди ва жамоасига чемпионликни тақдим этди.

Эътиборлиси, бу Роналду учун фаолиятидаги 19-финалда киритган голи бўлди. Қайд этиш лозимки, Криштианунинг аксарият финалларда киритган голлари Испания Кубоги ва Суперкубоги, шунингдек Чемпионлар лигаси финалларига тўғри келади.