Роналду сўнгги 13 йилдан буён "Ювентус"нинг ҳеч бир футболчиси қила олмаган ишни уддалади

Хабарингиз бор кеча “Ювентус” форварди Криштиану Роналду А Сериянинг 22-турида “Парма”га (3:3) қарши ўйинда ўз номига дубль ёздириб қўйишга эришди.

Шу тариқа, 33 ёшли португалиялик футболчи ўзининг чемпионатдаги голлари сонини 17тага етказиб олди.

Эътиборлиси, сўнгги 13 йилдан буён “кекса синьора”нинг ҳеч бир футболчиси дастлабки 22та турда бу қадар кўп гол ура олмай келаётган эди. Сўнгги бор 2005/06 йилги мавсумда “Юве”нинг франциялик ҳужумчиси Давид Трезеге 22та турда 18та гол уришга муваффақ бўлган эди. У мавсум якунида тўпурарлар пойгасида Лука Тонидан (31) сўнг иккинчи ўринни қўлга киритган эди.

Эслатиб ўтамиз, Роналду "Ювентус" сафига ўтган ёз "Реал" Мадриддан келиб қўшилган эди.