Роналдунинг нима учун Лондондаги тақдирлаш маросимига бормаганлиги сабаби маълум бўлди
“Ювентус” клуби бош мураббийи Массимилиано Аллегри нима учун Криштиану Роналдунинг Лондонда бўлиб ўтган ФИФАнинг тақдирлаш маросимига бормаганлигини изоҳлаб ўтди.
– Афсуски, биз бу маросимга бора олмадик. Бунга ўйинлар тақвими халақит қилди. “Ювентус”нинг “Болонья”га қарши учрашуви жуда яқин эди. Айнан шу сабаб биз Лондонга бормасликка қарор қилдик.
– Месси мени энг яхши мураббийлар учлигига қўшибди? Мен буни билмагандим, аммо жуда хурсандман. Бошқа ҳеч нарса дея олмайман. Кеча Дидье Дешам тенгсиз деб топилди. У бунга муносиб. Терма жамоа билан жаҳон чемпионлигини қўлга киритди, – дея Аллегрининг сўзларини келтиради Marca нашри.
“Ювентус” ва “Болонья” ўртасидаги ўйин 26 сентябр куни Туриндаги “Альянц-Ювентус” стадионида бўлиб ўтади.
Фикрлар