Салоҳ бурчакдан гол урди, жароҳат олиб майдонни тарк этди ва Миср 1 киши кам бўлиб ўйнади

Африка Миллатлар Кубоги саралаш босқичи доирасида Миср терма жамоаси Свазилендга қарши баҳс олиб борди. Голларга бой кечган ўйинда мисрликлар 4:1 ҳисобида зафар қучди.

Мазкур беллашувда “Ливерпуль” ҳужумчиси, Миср терма жамоаси етакчиси Муҳаммад Салоҳ бурчак зарбасидан рақиб дарвозасига гол урди.

Гол урилган вазиятдан бир неча дақиқа ўтиб Салоҳ жароҳат олиб майдонни тарк этди. У вақтгача Миср термаси бош мураббийи барча захираларни амалга ошириб бўлгани сабабли, Салоҳ жамоадошлари қолган вақтни 1 киши кам бўлиб ўйнади