Самира Қаҳҳорова ва Озодбек Ўрмоналиев Жаҳон чемпионлари!

  Аввал хабар берганимиздек, жорий йилнинг 25 август-4 сентябрь кунлари Болгариянинг Кранево шаҳрида ёшлар ўртасида 64 катакли шашка бўйича Жаҳон чемпионати баҳслари бўлиб ўтди.

  Блиц йўналиши бўйича бўлиб ўтган баҳсларда ҳам ҳамюртларимиз бўш келишмади. Самира Қаҳҳорова ва Озодбек Ўрмоналиев ўз тенгқурлари орасида Жаҳон чемпионлари бўлишди. Шунингдек, 8 ёшлилар ўртасида кечган баҳсларда Мавлуда Маҳмудова ва Фитрат Олимовлар 2-ўринни эгаллашди. Шаҳзода Файзуллаева (11 ёш) эса бронза медали билан кифояланди.