Санчес МЮдан кетмоқчи, унга ПСЖ харидор бўлмоқда

“Манчестер Юнайтед” клуби форварди Алексис Санчес жамоасини ўзгартирмоқчи.

The Times нашри тарқатган хабарга қараганда чилилик футболчи МЮдан кетиб ПСЖга ўтмоқчи. Айни дамда футболчининг агенти Фернандо Фелисевич ушбу трансфер юзасидан ишларни бошлаб юборган. Парижликлар ҳам Санчеснинг хизматларига жиддий қизиқиш билдира бошлашган.

Гап шундаки, МЮ устози Жозе Моуриньо Санчеснинг кўрсатаётган ўйинларидан қониқиш хосил қилмаяпти, футболчи унинг майдондаги топшириқларини тўлиқ бажармаяпти.

Маълумот учун, Санчес жорий мавсум АПЛнинг жами 8та ўйинида майдонга тушди ва ўз ҳисобига 1та гол ҳамда 2та голли узатма ёздириб қўйишга эришди.