Серхио Рамос: Альба - дунёнинг энг кучли чап қанот ҳимоячиларидан бири

“Реал” ҳимоячиси Серхио Рамос "Барселона" ҳимоячиси Жорди Альбанинг Испания терма жамоасига чақирилмаётганидан афсусда эканини билдирди.

“Биз Альба билан бирга Испания терма жамоасида жуда кўп ўйнадик. У дунёнинг энг зўр чап қанот ҳимоячиларидан бири ҳисобланади ва у буни жуда кўп исботлаган. Аммо таркибни мураббий танлайди ва қарор қабул қилиш унинг иши.

Менинг Жорди билан дўстона муносабатларим жуда яхши. Билмадим, у терма жамоага қайтадими ёки йўқ, буни билмайман”, - дейди Рамос.

Эслатиб ўтамиз, бундан аввалроқ Испания терма жамоаси бош мураббийи Луис Энрике шахсий адоватлар сабаб Альбани таркибга жалб этмаётгани ҳақида хабарлар тарқалган эди.