"Sevilya"ga "Milan" hujumchisi kerak

“Milan” klubi hujumchisi Nikola Kalinich faoliyatini Ispaniya La Ligasida davom ettirishi mumkin.

Football Italia nashri tarqatgan xabarga ko‘ra 30 yoshli xorvatiyalik futbolchini “Sevilya” o‘z safida ko‘rmoqchi. Buning uchun andalusiyaliklar “Milan”ga 14 mln evro taklif qilishga tayyor. Biroq, bunday taklif “rossonerilar”ni qoniqtirmayapti. Ular Kalinichni kamida 25 mln evroga sotishmoqchi.