Маҳоратли боксчимиз Шаҳрам Ғиёсов профессионал рингдаги еттинчи жангини ўтказади. Аниқроғи, у 24 февраль куни Мексиканинг Тихуана шаҳрида мезбон боксчи Эдгар Пуэртога қарши рингга кўтарилади.

Боксчимизнинг бўлажак рақиби Эдгар Пуэрто эса шу кунгача 37 та жанг ўтказган. Уларнинг 25 тасида ғалаба қозонган (19 та нокаут). 11 маротаба мағлубиятга учраган (5 та нокаут) ва 1 та дурангга эришган.

Шаҳрам Ғиёсов эса бунгача профессионал боксда 6 та жанг ўтказиб уларнинг барчасида ғалаба қозонган.