Шароф Муҳитдинов: Мақсадимизга эриша олмадик

“Насаф” – “Навбаҳор” (1:1) учрашувининг энг яхши ўйинчиси бўлган Шароф Муҳитдинов ҳам бўлиб ўтган ўйин ҳақидаги фикрлари билан ўртоқлашди. Бу ҳақда "Насаф" клуби матбуот хизмати хабар бермоқда.  

- Бугунги учрашувда жамоадошларим бор кучини бериб ўйнашди. Бизнинг бугунги учрашувга тузган режамиз ғалаба қозониш эди, афсуски бунга эриша олмадик. Албатта, бундай қийин ўйинларда гол уриш фахрли. Аммо голни ким уришини унчалик аҳамияти йўқ. Чунки футбол жамоавий ўйин. Бу бутун жамоа меҳнатининг маҳсули деб, биламан. Биз ўз олдимизга доимо мазмунли ўйин намойиш этиб, ижобий натижаларимиз билан мухлисларимизни хурсанд қилишни мақсад қилиб қўямиз. Жамоадошларим шу мақсадда интилишмоқда. Сўзимни охирида мухлисларимизга кичик мурожаат қилмоқчиман. Сизларнинг далдангиз бизга катта куч беради. Ҳар қандай шароитда ҳам бизга далда бўлаётган содиқ мухлисларимизга ўзим номимдан ва жамоадошларим номидан ташаккурлар билдириб қоламан, - деди бугунги учрашувнинг энг яхши ўйинчиси Шароф Муҳитдинов.