Шевченко: Украина термаси ўйинидан ва натижадан мамнунман

Украина терма жамоаси бош мураббийи Андрей Шевченко Италияга қарши (1:1) ўртоқлик учрашувидан кейин ўз фиркларини билдирди.

“Украина терма ҳақидаги илиқ фикрлар учун раҳмат, аммо биринчи таймдаги ўйин учун футболчилар бунга лойиқ эмас. Бироқ иккинчи бўлимда биз сифатлироқ ўйин кўрсатдик. Гарчи ўз дарвозамизан гол ўтказиб юборган бўлсак ҳам, жавоб голини уришга эришдик.

Миллий терма жамоаси бошқариш мен учун муҳим ва буни катта шараф деб биламан. Украина термасининг хатти-ҳаракатидан мамнунман. Бугунги натижадан ҳам. Бир неча футболчи жароҳат олди, шунинг учун уларнинг ҳолатига баҳо беришимиз лозим”, – деди Шевченко.

Маълумот учун, Миллатлар лигаси 4-тури доирасида Италия терма жамоаси Польшага қарши (14 октябрь) баҳс олиб борса, Украина ўз майдонида Чехияни (16 октябрь) қабул қилади.