Ўзбекистонлик нокаутчи Шоҳжаҳон Эргашев 11 ноябрь куни АҚШнинг Нью-Йорк шаҳридаги Nassau Coliseum спорт мажмуасида  америкалик Маркиз Хавторнга қарши жанг қилади.

Профессионал боксчимиз SPORTS.uz ахборот портали билан боғланиб, ўзи учун ўта муҳим бўлган АҚШдаги илк жангга пухта тайёргарлик кўрганини маълум қилди.

- Америкадаги машғулотларда асосан жисмоний кучни ошириш учун ишладик, - дейди Шоҳжаҳон. - Кейин спарринг жангларига ҳам эътибор қаратдик. Бир сўз билан айтганда, АҚШдаги биринчи жангим мен учун ўта муҳим ва бунга ҳар томонлама тайёрман.

Шоҳжаҳон Эргашевнинг айтишча, у спаррингда жаҳон чемпиони Геннадий Головкиннинг спарринг рақибларидан бири Доминик  Долтон билан жанг қилган.

Эслатиб ўтамиз, ҳамюртимизнинг бу галги рақиби Маркиз Хавторн  шу кунга қадар профессионал рингда 12 та жанг ўтказиб, беш маротаба зафар қучган. У ўз фаолияти давомида яна бир ўзбекистонлик боксчи Санжар Раҳмоновдан мағлубиятга учраган.

SPORTS.uz

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98