Швайнштайгер қаерда фаолиятини давом эттиришни билмаяпти

“Чикаго” клуби ярим ҳимоячиси Бастиан Швайнштайгер қаерда фаолиятини давом эттиришини билмаётир. 34 ёшли немис футболчисининг MLS клуби билан тузган шартномаси якунига етмоқда.

– Энди нима қилишни билмаяпман, – дейди Швайнштайгер Chicago Tribune нашрига. – Саволларни клуб раҳбариятига бериш керак. Менга ҳамон футбол ўйнаш ёқади. Агар клуб хоҳласа қолган бўлардим. Хурсандчилик билан таклифга розиман. Оилам ва барчамиз Чикагода қолишга розимиз. ЎЗ вақтида қарор қабул қиламиз. Ҳозирча кутамиз.