“Сити” Стерлинг билан ҳамкорликни яна узоқ йиллар давом эттирмоқчи

Англиянинг “Манчестер Сити” клуби ҳужумкор ярим ҳимоячи Раҳим Стерлинг билан амалдаги шартномани узайтирмоқчи.

ESPN тарқатган хабарга кўра “шаҳарликлар” 23 ёшли англиялик футболчи билан бу борадаги музокараларни апрель ойида бошлашмоқчи. Айтиш лозимки, Стерлингнинг амалдаги шартномаси 2020 йилга қадар имзоланган. Агар у “Сити” билан янги келишувни имзоласа, унинг ҳафталик маоши 220 минг фунтга кўтарилиши мумкин.

Эслатиб ўтамиз, бундан аввалроқ “Манчестер Сити” Кевин де Брюйне, Давид Сильва, Фернандиньо ва Николас Отаменди каби футболчилар билан ҳам келишувларни узайтирган эди.

Маълумот учун, Стерлинг жорий мавсум АПЛда жами 26та учрашувда майдонга тушиб, ўз ҳисобига 15та гол ҳамда 10та голли узатма ёздириб қўйишга эришган.