"Совринсиз мавсумни қутқариш" миссияси

Жорий йилнинг 21 май санасида Испаниянинг Билбао шаҳрида жойлашган "Сан Мамьес" стадионида УЕФА Европа лигаси финал баҳси бўлиб ўтади. "Тоттенхэм" ҳамда "Манчестер Юнайтед" жамоалари ёмон мавсум ўтказганига қарамай ушбу босқичга қадар етиб келишди. Тошкент вақти билан соат 00:00 да бошланадиган учрашувда, ғалаба қозонишга асосий фаворит кимлиги ва кубок соҳиби ким бўлиши турли хил аналитик сайтлар томонидан тахмин қилинди.

Барчага таниш Opta суперкомпютери ушбу баҳсда "Қизил иблислар" нинг ғалаба қозониш эҳтимолини 52,4% га баҳолади. Жамоа  97,6 % лик натижа билан финалга қадар мағлубиятсиз етиб келди. "Шпорлар"да бу кўрсаткич 91,1 %ни ташкил этмоқда.

Transfermarkt портали ҳам манкуняликларнинг ғалабасини тахмин қилди. Гарчи, "Тоттенхэм" сўнги 5 та ўйинда "Қизил иблислар"га енгилмаган бўлса-да, Таркибдаги асосий ўйинчиларининг финалда майдонга тушмаслиги Рубен Аморим жамоасининг имкониятларини бироз оширмоқда. 

365scores сайти ушбу тўқнашув учун асосий фаворит сифатида "шпорлар"ни қайд этди ва сўнги ўзаро учрашувлар ҳисобига лондонликларнинг ғалабасини тахмин қилди.

Ўз якунига етаётган мавсум иккала жамоа учун жуда оғир кечди. Премьер-лигада 16 ва 17-поғонада бораётган клублар учун бугунги баҳсдаги ғалаба нафақат кубок, балки кейинги мавсумда Чемпионлар лигасида қатнашиш учун йўлланмани тақдим этади. Бунинг учун иккала томон ҳам борини тикишга тайёр ва биз шиддатли финал гувоҳига айланишимиз мумкин.

                                                                                                                                                                                                                                                 Ғофуров Асқарбек