Скоулз "МЮ"га Агуэрони сотиб олишни маслаҳат беряпти

Англиянинг “Манчестер Юнайтед” клуби собиқ аъзоси Пол Скоулз “қизил иблислар”га Серхио Агэро керак деб ҳисоблайди. Инглиз футболчисининг фикрича Агуэро “МЮ” сотиб олишга уринаётан Антуан Гризманниннг ўрнини боса олади.

“Жамоага яна бир нечта футболчилар етишмаяпти деб ҳисоблайман. Масалан, мен майдон марказига тўпни ўзида сақлаб тура оладиган бирон футболчини қўшган бўлар эдим. Марказий ҳужумда эса Ибрагимовичга ёрдам берадиган бирорта футболчи керак. Бу ҳолатда Гризманн ёки Агуэро бўлганида ёмон бўлмасди”, - дейди Скоулз Daily Mail нашрига берган интервьюсида.

Эслатиб ўтамиз, “Манчестер Юнайтед” айни дамда премьер-лигада 48 очко билан 6-ўринни эгаллаб турибди.