"Sport haftaligi" davom etmoqda (foto)

  O‘zbekiston Respublikasi Jismoniy tarbiya va sport vazirligi tomonidan joriy yilning 24-30 avgust kunlari mamlakatimizda “Sport haftaligi” deya e’lon qilingan edi. Shu munosabat bilan Toshkent shahar jismoniy tarbiya va sport boshqarmasi poytaxtdagi 11 ta tumanni qamrab olgan holda mahalla hududlaridagi bolalar-o‘smirlar sport maktablarida, ta’lim muassasalarida bir qator ommaviy sog‘lomlashtirish tadbirlarini o‘tkazib kelmoqda. Shunday tadbirlardan biri bugun “Paxtakor” markaziy stadioni hududida bo‘lib o‘tdi. Bu erda 16 yosh va undan kattalar o‘rtasida ommaviy yugurish musobaqasi tashkil etildi.

 To‘rtta yosh toifasi bo‘yicha o‘tkazilgan yugurish musobaqasida Gulya Abdusamatova, Shohida Shoyusupova, Viktoriya Xaliulina, Yoqutxon Xolbekova, Valeriy Hakimov, Murod Ilhomov, G‘ayrat Yusupov, G‘olib Tohirjonovlar shohsupaning eng yuqori pog‘onasidan joy egalladi.