Stol tennischimiz Turkiyada sovrindor bo‘ldi

Turkiyaning Istambul shahrida o‘smirlar o‘rtasida stol tennisi bo‘yicha o‘tkazilgan xalkaro turnirda hamyurtlarimiz muvaffaqiyatli ishtirok etdi.

Nufuzli musobaqada O‘zbekiston, Ozarbayjon, Misr, Turkmaniston, Qirg‘iziston va Kiprdan kelgan stol tennischilar ishtirok etdi.

2005 yillarda tug‘ilganlar o‘rtasida Maqsud Rustamov yakkalik bahslarida ikkinchi o‘rinni egalladi va terma jamoamizga kumush medalni keltirdi. Qizlar o‘rtasida Sayora Abduhalilova chorak finalga qadar ishtirok etdi.