Тарихда илк марта Аргентинанинг икки клуби Либертадорес кубоги финалида ўйнайдиган бўлди

Аргентинанинг "Бока Хуниорс" клуби Либертадорес кубоги ярим финал жавоб баҳсида сафарда Бразилиянинг "Палмейрас" клуби билан 2:2 ҳисобида жанговор дуранг қайд этди ва икки ўйин натижасига кўра финал йўлланмасини қўлга киритди. Боиси, Буэнос-Айресда кечган дастлабки баҳсда майдон эгалари 2:0 ҳисобида ғалаба қозонишган эди.

Эътиборлиси, энди финалда Аргентинанинг икки етакчи жамоаси - "Бока Хуниорс" ва "Ривер Плейт" ўзаро кураш олиб боради. Қизиғи, бундай ҳолат Либертадорес кубоги тарихида илк марта содир бўлмоқда.

Маълумот учун, "Бока Хуниорс" ва "Ривер Плейт" жамоалари ўртасидаги дастлабки баҳс 7 ноябрь куни, жавоб баҳси эса 28 ноябрь куни бўлиб ўтади.