Тьерри Анри: Зидан танаффус олишга ҳақли деб ўйлайман
Франция терма жамоаси ва лондоннинг “Арсенал” клуби собиқ хужумчиси Тьерри Анри куни-кеча бўлиб ўткан “Эль-Классико” натижалари ҳақида ўз фикрини айтиб ўтди.
- Зиданнинг “Реал Мадрид” учун қилган меҳнатини инобатга олсак, у ўз лавозимидан четлатилиши ҳақидаги гап-сўзларни кулгили деб ҳисоблайман. Жамоа билан катта натижаларга эришиб у танаффус олишга ҳақли деб ўйлайман. Мураббийликда ғалабалар сериясидан кейин натижа кўрсатмасанг, албатта, устозга саволлар туғилади.
Эслатиб ўтмоқчиман, “қаймоқранглилар”ни бошқаришни бошлаганида Зинедин, Бенитеснинг стратегиясини қўллади, яъни, у майдонга Каземирони туширишни бошлади.
У “қироллик клуби” билан ЕЧЛда кетма-кет икки марта ғалаба қозонди, “Барселона”га қарши учрашувда биричи бўлим охиригача жамоа яхши ўйин кўрсатаётганди, - дейди Анри skysports.com нашрига берган интервьюсида.
Маълумот учун, Ла Лиганинг 17-тур натижаларига кўра “Барса” “Реал”дан 14 очко олдинда кетмоқда.
Фикрлар