Тиаго Безерра: Ғалаба қозонмаганимиздан хафамиз

"Пахтакор" ярим ҳимоячиси Тиаго Безерра Pepsi Суперлига 10-туридан ўрин олган  "Қўқон-1912" билан ўйин (1:1) хусусида фикрларини билдириб ўтди.

"Мураббий бизга ўйин қийин кечиши ҳақида гапирганди. Биринчи бўлимда гол ўтказиб юбордик, аммо кейин кетма-кет имкониятларга эга бўлдик. Улардан фойдалана олмадик. Ҳисобни тенглаштирганимиздан кейин вазиятларни қўлдан чиқардик. Бу биз учун яхши натижа эмас. Ғалаба қозонмаганимиздан хафамиз, аммо кейинги учрашувга тайёргарлик кўришни бошлаш лозим", - деб айтиб ўтди бразилиялик футболчи.