Тибо Куртуа "Реал"га ўтгач нималар деди?

Аввал хабар берганимиздек бельгиялик посбон Тибо Куртуа бугун “Челси”дан расман “Реал” аъзосига айланди. Тажрибали дарвозабон “қироллик клуби”га кўчиб ўтгач ўзининг илк фикрларини билдириб ўтди.

“Дунёнинг энг зўр жамоасига ўтиш бу нафақат катта фахр, балки шу билан бирга улкан масъулият ҳамдир. Бугун мен орзуимни амалга оширдим. Ҳозир қанчалик хурсандлигимни хатто тасаввур ҳам қилолмайсиз. Авваламбор менга ишонч билдирган “Реал” раҳбариятига ва мени бу ерга келишимга ўз ҳиссасини қўшган барча-барчага миннатдорчилигимни билдираман”, - дейди Куртуа.

Эслатиб ўтамиз, “Реал” 26 ёшли дарвозабон учун “Челси”га 35 миллион евро тўлади ва у билан 2024 йилга қадар шартнома имзолади.