Тите Бразилия терма жамоаси таркибида ўзгариш қилди

Бразилия терма жамоаси бош мураббийи Тите Уругвай ҳамда Камерунга қарши ўйинлар учун қайдномага ўзгартириш киритди.

Унга кўра "Ювентус" ҳимоячиси Алекс Сандро ҳамда "Бэйцзин Гоань" ярим ҳимоячиси Ренато Аугустолар пентакампионлар йиғинига жалб этилишган. Ушбу футболчилар жароҳати сабаб терма жамоа ихтиёрига келолмаган Марсело ва Филиппе Коутиньоларнинг ўрнини эгаллашди.

Маълумот учун, Бразилия терма жамоаси дастлаб 16 ноябрь куни Уругвайга қарши, кейин эса 20 ноябрь куни Камерунга қарши баҳс юритади. Таъкидлаш керакки, ҳар иккала ўйин Англияда бўлиб ўтади.